6-9 წლის ბავშვების თვითკონტროლი - რა თავისებურებები ახასიათებს ამ ასაკს?
"მშობელი" გაგაცნობთ ბენჯამინ სპოკის რჩევებსა და რეკომენდაციებს.
ყურადღებით დააკვირდით, როგორ თამაშობენ ამ ასაკის ბავშვები. მათ მოსწონთ სიზუსტე და წესრიგი, როლური თამაშები, რომლებიც გარკვეულ წესებს ემორჩილება.
ამ ასაკში, ბავშვებს ხანდახან სურვილი უჩნდებათ, საკუთარი ნივთები მოაწესრიგონ - წიგნებს აკურატულად ჩაამწკრივებენ, საწერი მაგიდის უჯრებზე სტიკერებს აკრავენ. მართალია ამ მდგომარეობას დიდი დღე არ უწერია, მაგრამ წარმოიდგინეთ რამდენად დიდია მათი სურვილი, რომ მოწესრიგებულები იყვნენ.
ამ ასაკში, ხშირად თავს იჩენს ნერვული ტიკი(უნებლიე ჩვევა).
ნერვული ტიკი კონტროლს არ ექვემდებარება და მას მიეკუთვნება ისეთი მოვლენები, როგორიცაა - თვალების ხამხამი, მხრების აჩეჩვა, კისრის ტრიალი, დამანჭვა, მშრალი ხველა, ქსუტუნი.
ტიკი დროს, მოძრაობები სწრაფად და რეგულარულად მეორდება. ეს ძირითადად 9 წლის ბავშვებს ახასიათებთ, თუმცა 2 წლის ზემოთ, ნებისმიერ ასაკში გვხვდება.
ტიკი მატულობს, როცა ბავშვი ნერვიულობს. რამოდენიმე კვირის ან თვის მანძილზე, ხან სუსტდება, ხან ძლიერდება, შეიძლება სულაც გაქრეს, ხან კი ახლით ნაცვლდება.
ხველა, ქსუტუნი და თვალების ხამხამი ძირითადად სურდოს მოჰყვება, თუმცა მერეც გრძელდება. მხრების აჩეჩვა შეიძლება იმას მოჰყვეს, რომ ბავშვს დიდი ტანსაცმელი აცვია და სულ მხრებს იჩეჩავს, რადგან ჰგონია რომ ჩასძვრება.
ბავშვმა შეიძლება ტიკი მეორე ბავშვისგან გადაიღოს, თუმცა ნერვული დაძაბულობის ფონის გარეშე ამას არ იზამდა.
ნერვული ტიკი იმ ბავშვებს ემართებათ, რომლებსაც ზედმეტად მკაცრი მშობლები ჰყავთ და ბავშვის დანახვისთანავე მბრძანებლობას, ან შენიშვნის მიცემას იწყებენ. შეიძლება ბავშვს გამუდმებით ტუქსავენ ან ზედმეტად ტვირთავენ, აიძულებენ მუსიკის, ცეკვების ან უცხო ენების შესწავლას აიძულებენ. ბავშვს რომ წინააღმდეგობა გაეწია, არ დაიძაბებოდა, თუმცა პრობლემა ძირითადად კარგად აღზრდილ ბავშვებს აქვთ, რომლებსაც შეპასუხების ერიდებათ.
გაღიზიანება დროთა განმავლობაში გროვდება და ტიკით გამოვლინდება.
არავითარ შემთხვევაში არ დატუქსოთ ბავშვი ამის გამო. მას არ შეუძლია ტიკის გაკონტროლება. უბრალოდ ხელი შეუწყეთ, რომ ბედნიერი ბავშვობა, სკოლაში და სახლში კი ნორმალური პირობები ჰქონდეს.
მოამზადა მარიამ სოხაძემ
