რა არ უნდა ჰკითხოთ დედას მშობიარობის შემდეგ - "მშობელმა" გამოკითხვა ჩაატარა რამოდენიმე თემატურ ჯგუფში, პასუხების შეჯამების შემდეგ, მივიღეთ საკმაოდ მხიარული "სტატისტიკა," თუმცა დაგვეთანხმებით, ახალ ნამშობიარებ ქალს, მომაბეზრებელი კითხვები ძალიან აღიზიანებს.
კითხვების და რჩევების არასრული ჩამონათვალი, რომელიც ჩვენმა მკითხველმა შეადგინა:
- რძე გაქვს? რა ფერია?
- ნაკერები გაქვს? გტკივა?
- მარტო ბან თუ გეხმარებიან?
- ხელები აქვს ცივი, სცივა(ცივი ხელი არ ნიშნავს რომ მთელს სხეულზე სცივა.)
- ძუძუზე დაძინებას არ მიაჩვიო.
- ხელში არ აიყვანო გაირყვნება.
- უი, მუცელი დაგრჩენია?(მშობიარობიდან მე3 დღეს)
- თანაგრძნობით სავსე მზერით: უი, როგორ მიგიყოლებია, ჯერ სად ხარ!
- მოგხსნიან ბავშვს ძუძუდან: "აღარ უნდა მეტი, ჩემთან უნდა ხელში"
- როცა ოთახიდან ჩამი-ჩუმი არ ისმის, იღება კარი კითხვით: სძინააააავს?
- ბანდაჟი გაცვია?
- ცოტა მომატებული მეჩვენები.
- ყველა დედა ათენებს ღამეს, ვის არ გაუზრდია ბავშვი!
- პირველის შემდეგ მეორეს როდის აპირებ? მალევე მიაყოლე თორემ მერე დაგეზარება, 3წლის შემდეგ: ჯერ რად გინდოდა, პირველი ბიჭი მყავს მეორე გოგო, მეორის მერე: გოგოც გყავს და ბიჭიც მესამეზე აღარც იფიქრებ, მილები არ გადაიკეტეე??
და ბოლოს: მე სამი შვილი გავზარდე! შენზე მეტი ვიცი!
აქედან გამომდინარე, ოჯახის წევრებო და სტუმრებო, დედები გთხოვენ, გაითვალისწინოთ, რომ სამშობიაროდან გამოსვლისთანავე არ არის საჭირო ხალხით სავსე სახლი.
დედას და ბავშვს სიმშვიდე სჭირდებათ, მზრუნველობა და თავის მომაბეზრებელი კითხვები კი ერთმანეთისგან ძალიან განსხვავდება.
მოამზადა მარიამ სოხაძემ
