ის, რაც საზოგადოებაში გაოცებას იწვევს, მალხაზ გიგანისთვის ყოველდღიურობა და განუყოფელი ნაწილია.
„მშობელი“, თეთნულდიდან დაშვების ვიდეოს მთავარ გმირზე მოგიყვებათ.
როგორც მისი და ელისო გიგანი გვიყვება, ვიდეოს მთავარ გმირს, უამრავი ასეთი კადრი აქვს და ეს მისი ყოველდღიურობაა.
„მალხაზი 40 წლისაა და თხილამურებზე ბავშვობიდან დგას. სპორტის ყოფილი პედაგოგია. დამთავრებული აქვს ილიას სახელმწიფო უნივერსიტეტი და ასევე ,,საქართველოს ტურიზმის სათავგადასავლო სკოლა" , არის ყოფილი მოკრივე და კურორტ თეთნულდის ყოფილი მაშველი. ამჟამად, უცხოელ ტურისტებს უტარებს ინსტრუქტაჟს და ექსტრემალურ ჯგუფებთან მუშაობს. ზამთრის სეზონზე თითქმის ყოველ დღე მთაშია. შარშან გაიმარჯვა მარათონში, რომელიც კახეთში ჩატარდა და ველურ ბუნებაში დაბრკოლებების გადალახვას ეხებოდა. ხშირად დადის მეკლდეურთა ჯგუფებთან მწვერვალებზე, შარშან თეთნულდზე იყვნენ რამდენიმე დღით. ვიდეო შარშანდელია და მსგავსი დაშვება მისთვის ხშირია“, - უყვება „მშობელს“ ელისო გიგანი.
მალხაზს 6 წლის გოგონა ჰყავს და მამის წყალობით, სამი წლიდან თხილამურებზე დგას.
„ელენეს სამი წლიდან ასწავლიდა. ახლა თავისუფლად დგას. რაც შეეხება კერძო მოსწავლეებს, დროის დეფიციტის გამო, არ ჰყავს. მხოლოდ ტურით ასულ ოჯახებს და მათ მოზარდებს უტარებს ინსტრუქტაჟს.
"მშობელი" წარმატებებს უსურვებს მას.
