26-27 სექტემბერს კავკასიის მედიცინის ცენტრში ჩატარდა 2-დღიანი კონფერენცია თემატიკით: „ფარისებრი ჯირკვლის სიმსივნეების ციტოლოგიური და ჰისტოლოგიური დიაგნოსტირება.”
კონფერენციას ქართველ სპეციალისტებთან ერთად უძღვებოდა ნიდერლანდების ლაბორატორია LABPON-ის ციტო-პათოლოგი, მარიშკა შრევენ-სტელარდი. სემინარს ესწრებოდნენ კავკასიის მედიცინის ცენტრის, ლაბორატორია „მეგალაბისა“ და ევექსის ქსელის ექიმები.
განხილულ იქნა ფარისებრი ჯირკვლის სიმსივნეების ციტოლოგიური და ჰისტოლოგიური დიაგნოსტიკის საკითხები. ენდოკრინოლოგებმა, ონკოლოგებმა, ციტოლოგებმა და პათოლოგ-ანატომებმა ერთმანეთს პრაქტიკული გამოცდილება გაუზიარებეს.
აღნიშნული კონფერენცია ხელს უწყობს სიახლეების დანერგვას ფარისებრი ჯირკვლის სიმსივნეების ციტოლოგიური და ჰისტოლოგიური დიაგნოსტირების კუთხით და იძლევა საერთაშორისო სამედიცინო ცოდნისა და გამოცდილების გაზიარების შესაძლებლობას.