თბილისის სახელმწიფო უნივერსიტეტთან თანამშრომლობის ფაგრლებში, საგანმანათლებლო პროცესის შეუფერხებლად წარმართვის მიზნით, საქართველოს ბანკმა უნივერსიტეტისთვის Zoom Education-ის ლიცენზია შეიძინა. აღნიშნული, უნივერსიტეტს შესაძლებლობას მისცემს, აბსოლუტურად ყველა ლექცია თუ სემინარი ზუმში შეუფერხებლად ჩაატაროს. სტუდენტები კი განათლების ონლაინ რეჟიმში მიღებას შეძლებენ.
„საქართველოს ბანკი აგრძელებს განათლების მხარდაჭერას, რადგან განათლების ხელშეწყობა ჩვენი ერთ-ერთი მთავარი პრიორიტეტია. ახალი რეალობის გათვალისწინებით მიგვაჩნია, რომ ახლა კიდევ უფრო მეტად უნდა შევუწყოთ ხელი განათლებას და მის ციფრულ ტრანსფორმაციას. ამ მიზნით, გვსურს ჩვენი წვლილი შევიტანოთ იმაში, რომ თსუ-ში ჩვეული აქტიური სასწავლო პროცესი არ გაჩერდეს. გვინდა სტუდენტებს ჰქონდეთ შესაძლებლობა, ლექციებს დისტანციურად დაესწრონ. ასევე, მიიღონ ისეთივე მაღალი ხარისხის განათლება, როგორც მათ ამას თბილისის სახელმწიფო უნივერსიტეტი უკვე საუკუნეზე მეტია სთავაზობს“,- აცხადებენ საქართველოს ბანკში.
